股樓分析高手陸東兄，日前接受電台訪問時講起劉鳴煒的買樓計劃，除儲錢外還要投資，先至可以在有生之年儲到首期，正因個人在80年代後期第一層樓便是以投資換來，這也是普遍60後的買樓過程。
不同年代買樓路迥異，50後靠打份牛工儲錢，初住板間房或在舖頭內住，每天由朝做到晚，因沒有消費時間，除日常支出，反而好快儲到首期。60後碰上中產起飛，經濟增長快，人工以幾何級數跳升，加上投資市場方興未艾，投資股票得利，入行數年便有錢買樓，兼且不斷炒樓換樓。70後由於自金融風暴，樓價暴跌，那時住在公屋的父母有多餘錢夾首期，加入新世代對住屋需求大兼且樓價新低，加上銀行按揭寬鬆，半成首期便可上車。
80後經濟從谷底回升，加上新經濟抬頭，互聯網潮起來，帶挈一班科技人才靠買賣科技殼極速上位，加上當時小小超澤楷為眾後生仔偶像，蚊型潮人潮樓，對細價樓的定義重新活躍起來，今年買樓明年便可以換樓，亦是智能家居興起的風光年代。
90後純以父母資助買樓，不但畀首期還是全數付清，甚至把自己層舊樓按揭繳付首期，90後自知靠儲錢難以上車，套用潮語「上車需父幹」；至於千禧後出生的如何上車，估計也得要父母協助，否則不吃不喝難在有生之年上車。
劉兆昌
資深地產傳媒人
http://www.HKLau.com