咪睇安祖卡路爾神高神大，其實係正宗玻璃腳。呢名韋斯咸前鋒早排養傷嗰陣試過客串做model，唔知係咪做出癮嚟，雖然26歲嘅佢已經康復，仲好積極咁做復康運動，希望可以早啲操番起狀態，但佢仍然不時會行「貓步」㗎！好似日前咁，佢喺instagram上載完自己嘅狂操片段後，都不忙上載番張做模特兒嘅靚相，滿足唔同粉絲嘅需要。