澳洲猛將潘頓來港策騎八年，前季首度成為冠軍，剛季贏95場頭馬排第二亦唔錯。佢話回顧過去，難忘當年一切由零開始，第一次喺沙田操馬時甚至迷路，要勞動保安人員帶佢去機坪上馬。最初成績一般，但去到首季季尾，練馬師姚本輝同其他騎師關係有變，改而重用潘頓，令佢首季季尾有好成績，帶進第二季有好開始，吸引其他廐主支持。
喺香港做騎師，是否要像生意人般勤力搞公關呢？潘頓答案是Yes：「的確有需要去應酬，盡量認識多些馬主，以及主動打電話給練馬師找馬騎，否則你只是賽日眾多騎師面孔之一。」
潘頓又說很多騎師來香港，最初自我期望甚高，但結果往往令人失望，因為香港質素平平的馬為數不少，要找實力座騎非想像中易。
很多人說香港馬圈是「搵快錢」的地方，但潘頓話這是錯誤態度，他說：「若認為來港騎馬，很易便腰纏萬貫，第一你會很快遇上麻煩，第二最終會失望，甚至會徹底遇上挫折。」