懷胎7個月的湯盈盈前晚帶囡囡錢凱晴到亞博欣賞卡通動畫音樂劇首映禮，凱晴的伯父錢小豪和囝囝亦有一齊來。盈盈表示現在超重，醫生叮囑要控制體重，不過盈盈一於少理，說：「孕婦唔食嘢，真係唔開心，雖然個肚重咗好多，但唔覺辛苦。」有消息指姚樂怡已有身孕兩個月，盈盈反問：「講唔講得㗎？」之後盈盈亦忍不住說：「好開心，三個姊妹有咗，包括我、鍾麗淇、同埋樂怡，想催文女（文頌嫻）再生多個。」
李璨琛早前被影到夜蒲攬女，他解釋當晚跟朋友飲酒：「嗰晚音響大聲咗，自然坐得近咗，加上自己飲咗少少酒，有少少醉。」報道指他當時對身邊女伴又攬又錫？李璨琛冇正面回應：「我自己會檢點啲，冇下次。家庭和睦，冇影響到感情。」
採訪：馬建華
攝影：陳順禎