【中環】39歲嘅梁詠琪（GiGi）同西班牙籍老公Sergio噚日傍晚近6點，現身中環歌賦街一間專賣BB精品店內，雖然唔見囡囡Sofia同行，但兩公婆睇嚟係入去買嘢畀囡囡。着住黑色長裙嘅GiGi身形有點圓潤，似乎仍未完全收身，佢喺店內專揀色彩繽紛嘅玩具，其間拎起一支星星頭嘅神仙棒揈嚟揈去，之後又攞起萬花筒周圍望，Sergio見GiGi一臉童真樣亦笑得好冧，多次輕掃老婆背脊同搭膊頭，表現恩愛。
近半個鐘後，佢哋揀咗一大堆精品送畀Sofia做新玩具，並由老公碌卡埋單。離開時，GiGi同Sergio十指緊扣上車，見到記者都禮貌地笑笑口同講bye bye。
採訪、攝影：徐錦池、潘冠恩、梁繼光