繼降低食物中鹽和糖委員會，政府噚日宣佈成立個名更長嘅「航空發展與機場三跑道系統諮詢委員會」（17個字！）新委員會取代現有個名短啲嘅航空發展諮詢委員會，加多咗8個成員至25人，又擴大職權範圍咁，職責係就住落實推展三跑計劃，向政府提供意見，話現有跑道將於一、兩年內飽和，落實三跑刻不容緩喎，下月1日生效。
其實大部份舊委員都獲過渡，包括旅遊發展局主席林建岳、「元秋」蔣麗芸個六妹、震雄集團CEO蔣麗苑（圖）等等；現有成員中只有劉遵義太太、畢馬威會計師事務所合夥人劉麥嘉軒冇續任。新加入嘅就有降低食物中鹽和糖委員會主席陳智思、生態學者何建宗教授等。