賭王何鴻燊四房公子何猷君成日都百厭仔上身，昨日又在Instagram扮鬼扮馬，他拍了一條短片，仲畫咗一字粗眉、二撇雞鬍鬚、滿面黑頭毒瘡等，成個毒男上身。鏡頭再一轉，他即穿起白恤衫，打領帶，「林峯」般青靚白淨扮chok。原來猷君玩一個名為DontJudgeChanllenge的網絡遊戲，玩法將自己變醜，再回復原本容貌，希望帶出不要以貌取人的訊息。呢個遊戲玩法與一年前關注ALS漸凍人相似，參加者完成後要提名三名朋友參與，之前鄧紫棋（G.E.M.）的閨蜜好友李蘊亦已玩，她將自己變成禿頭、畫上皺紋、一字粗眉、長出濃密鼻毛的樣貌，依然即變回靚女一名，真係人前人後兩個樣。
撰文：唐如