蓋鳴暉和吳美英新劇《漢王天嬌》前晚在北角新光戲院開鑼，新光主席李居明受訪時透露明年2月28日租約期滿，他說：「業主會畀一個月時間我哋執嘢，4年約完咗，我想用新形式合作，希望政府資助吓或者希望業主收順啲。不過我都預咗政府嗰度資助唔得先，所以𠵱家book定其他場，等啲粵劇喺其他場地有得演出先，好似文化中心咁。」
李居明更打算向新任民政事務局局長劉江華求助，他說：「佢負責新光，睇吓明年可唔可以有新形式經營，希望政府資助50至80萬，因為𠵱家租金要每個月130萬。」李居明跟新光租約期滿，新光戲院又會不會繼續呢？他說：「另外有一個新諗法，業主自己管理，我做顧問。」李居明表示雖然已蝕了幾千萬，但無怨無悔。
採訪、攝影：溫敏芝