狼英：「個鑊鏟是我手臂的延伸，個熱廚房是我梁氏天下的，鍾意炒邊個就邊個！」
扭肛華：「個垃圾桶是我手臂的延伸，家吓名正言順，我可以伸長對手摷垃圾，照晒班廢墩個肺！大家好快知，老細睇唔順眼邊啲特區垃圾，由我出手，肯定勁過朱×緯。」
德公公：「我阿哥是我手臂的延伸，有佢在，會幫我報剃眼眉之仇。傳媒等住收爆料WhatsApp啦。」
曾主席：「我細佬是我手臂的延伸，我斷斷唔會學兩位田少，手臂和手臂鬧交！隻狼要我細佬即時執包袱，太唔畀面，在北韓，等同狼決！手足情深，我唔會就咁算，一定捉鬼，殺破狼，絕不手軟！」
林鄭清潔大隊長：「公務員是我手臂的延伸，裏面大把內線。狼竟然斷我左臂，以為就此廢我武功，趕我入新界住丁屋過世！無咁易！大媽好欺負嗎？掃把是我手臂的延伸，等我日日用掃把拍扁狼個死人頭，咒佢明年一月，鉛蛋！」
七俠五義：「神經病！乜嘢延伸……個字點寫呀大佬？我們拳打腳踢，交足貨，擺明做雙份，應該出雙份糧！」