杜汶澤透露起先是彭浩翔介紹去看這部非主流電影，自己看後覺得有可為，他說：「套片本身好笑但個拍法好獨立電影，要包裝先可以上外面啲戲院，所以配咗粗口。往年暑假我都會有戲上，之前有《低俗喜劇》、《飛虎出征》，想大家感覺每年暑假我都會有片，今年就搵咗呢套。」
最緊要開心
原裝英語版仍只是IIB級上映，因為粗口被定為三級電影，對於電檢制度中的粗口尺度，阿澤好有意見說：「呢個都係我好想問嘅問題，好似話有粗口未必係三級。例如你受到壓迫好嬲不自覺咁講粗口，有機會係IIB。而假如你喺好輕鬆情況下講，又或者用粗口形容性呢樣嘢，咁就一定係三級，咁法例嘅嘢我識條鐵咩。其實你行經旺角周街都係咁講，我哋配粗口係想多啲人有興趣去睇。西片夠成日『fuxk』來『fuxk』去，可能用英文講粗口，嚿屎都香啲啩。總之暑假大家都係想開開心心有啲氣氛。」