王喜與宣萱繼10多年前《烈火雄心2》後，近日再在港台劇集《火速救兵III》中合作，二人昨日在大坑一唐樓開工，劇情講述宣萱和周家怡身陷火海，王喜與陳國邦等前來拯救。未開工前，王喜與宣萱「舊情人」碰面雞啄唔斷，原來後日是王喜48歲生日，而前日又是周家怡36歲生日，劇組遂找來有份拍攝《火》劇、但昨日沒有戲份的王宗堯捧住生日蛋糕跟兩人慶祝。
換上消防員裝備的王喜透露，該劇會拍火燒劏房及高空拯救等大場面，問會否有塵爆個案，王喜說：「冇，港台同事唔會消費別人嘅傷口，故事都係近香港，有場劏房大火，畀香港人知道劏房消防安全其實好值得關注。」
本報早前報道過王喜與陳志雲等友人合資過百萬開旅行社，之前王喜受訪時，志雲這個股東身份亦呼之欲出；不過，昨日王喜突然改口風，主動表示：「其實佢唔係股東，冇任何金錢轇轕，不過我哋有乜都會問佢，喺設計另類旅遊方面真係有問佢意見。」據本報了解，因為志雲目前仍有官司在身，在聽律師意見下，惟有將志雲股東身份保密。王喜透露旅行社9月會首度出團到曼谷，還有另類遊學團帶小朋友到東南亞種田，及到青海體驗出家人生活。
王宗堯驚嚇走女神
到場探班的王宗堯日前被拍得與長髮索女拍拖，問周家怡可有見過時，她竟說：「佢好多女！」又謂：「我唔係好認得樣。」令王宗堯登時面紅耳熱！之後王宗堯說：「好尷尬，大家都要睇吓件事點發展先。」是否發展順利？他說：「唔知㗎！我驚嚇親人啫！」
採訪：譚倩宜、徐錦池
攝影：陳慧安、潘冠恩