廣州恒大淘寶前鋒郜林日前喺作客贏遼寧宏運3:1嘅中超，入波後拍面慶祝挑釁主隊球迷，賽後俾球迷用粗口狂問候太太，點知佢還拖掟波砵，結果俾中國足協罰停賽五場。恒大球迷就喺禮拜四對拜仁慕尼黑場友賽聲援佢，喺看台拉起寫有「足協允許叼老母，咁我就叼你老母足協」嘅粗口諧音橫額（圖）。另外，恒大贏拜仁後，老闆許家印向球員發放100萬人仔獎金。