【本報訊】啟晴邨及水泉澳邨兩個單位食水喉管被驗出含鉛及致癌重金屬。涉事單位戶主黃太坦言感詫異，批評政府拖字訣，「（政府）一直話會追查源頭，點解唔一早驗水管？做法好有問題」。
黃太7個月大幼兒早前被驗出血液含鉛量超出上限，獲通知今日接受智力發展測試；另一個6歲女兒仍未獲安排驗血，「好擔心，考慮自費驗血」，現時他們只敢飲用礦泉水。另一涉事水泉澳邨單位戶主翁女士說：「𠵱家連水喉管都有，仲多咗致癌金屬，政府要快啲換喉，搞到居民好擔心。」現時她購買蒸餾水給3歲女兒飲用。
房署署長被指偏幫中建
長沙灣邨近日也被驗出水管和焊料含鉛，但政府昨公佈免費安裝濾水器的屋邨並無包括長沙灣邨，居民陸先生不滿政府大細超，「如果3條邨都裝，我哋邨都應該裝番，因為公平啲」。他狠評房署署長應耀康無為公屋戶發聲，「佢冇幫我哋公屋講嘢，幫嗰個中國建築講嘢，佢做署長係邊個出糧？」
中大醫學院兒科學系教授韓錦倫指，孕婦及幼兒較成年人吸收更多水份，如血液積存過多的鉛，便要立即停用涉事食水，身體會於1個月後慢慢排出體外。腎科專科醫生蔡堅提醒，鎘及鎳等重金屬會在人體內慢慢累積，較難排出體外，當中以鎘的毒性較高，除有機會致癌，也會影響器官功能，應避免接觸。
■記者李雅雯、梁御和