今年娛樂圈掀起了一陣生B熱潮，梁詠琪、陳茵媺、Mandy Lieu、洗米嫂Heidi、周汶錡和昆凌，先後升級做媽咪，星媽出院都要keep住靚樣，最緊要有黑超、鬆身裙同披肩這三寶。
好似英國劍橋公爵夫人Kate Middleton，5月生了小公主，就着住愛牌Jenny Packham粉黃色碎花裙出院，鬆身剪裁，可以隱藏未收身嘅水桶腰，而粉黃色就予人慈母嘅感覺，腳踏Jimmy Choo高踭鞋，高貴優雅。
而今個月頭生了中法混血BB嘅周汶錡，都着了Vanessa Burno藍色直身裙出院，輕易遮住未修的水桶腰，戴住黑超和闊邊草帽 有型夠chic，生完之後都好似未過生 不愧是名模。
而澳門賭業猛人周焯華嘅老婆陳慧玲，最近就生了女兒，出院時Heidi就着白色鬆身恤衫再披上白色LV披肩遮肚，冇化妝嘅洗米嫂就戴住副烏蠅鏡遮樣，拎住過十萬蚊的Hermes Birkin手袋做奶粉袋，出院都富貴過人。
更多時尚新聞，即上： http://add.appledaily.com