荷李活巨星湯告魯斯（Tom Cruise）日前抵達奧地利維也納，出席昨晚舉行的新片《職業特工隊：叛逆帝國》（Mission：Impossible－Rogue Nation）首映禮，他前日於當地現身宣傳時春風滿臉，有傳他將會向比他細31年的女助手求婚！
53歲的靚佬湯與22歲助手Emily Thomas去年已經傳緋聞，當時靚佬湯正在拍攝《職業特工隊5》，亦因此而結識了Emily。據《Star》雜誌報道，Emily於片場照顧得靚佬湯無微不至，加上Emily的外表與他的前妻姬蒂荷姆絲（Katie Holmes）有七成似，令靚佬湯十分迷戀她。
點名貼身照顧
靚佬湯亦對Emily的工作表現十分滿意，所以在公在私亦點名要Emily繼續跟着他擔任助手。因此靚佬湯最近拍攝黑幫片《Mena》時，都見到Emily在他的身邊，為他擔遮及遞水。靚佬湯在片場要埋位拍攝時才會從Emily身邊行開，平時他鍾意與Emily一齊，表現得特別開心，又經常與她調情。
雖然二人未在公眾場合被拍到有過份親熱舉動，消息指熟悉靚佬湯的朋友都知道他準備要娶第四任老婆，將會向Emily求婚。雖然二人年齡相差大，但保養得宜的靚佬湯與Emily也很相襯。
曾結過三次婚的靚佬湯，差不多每次都是跟對方在很短時間內拉埋天窗。他於89年拍攝電影《雷霆壯志》（Days of Thunder）結識了第二任妻子妮歌潔曼（Nicole Kidman），翌年12月二人便結成夫妻。之後靚佬湯於05年4月認識了第三任妻子姬蒂，同年10月便宣佈懷孕，待女兒出世後翌年便結婚。
撰文：泰米
