秋天未到，傳媒已經步入寒冬。繼《新報》後，英皇集團旗下新傳媒集團另一份雜誌《流行新姿》（Fashion & Beauty）最近亦盛傳停刊。有讀者向八方爆料，話最近想喺《流行新姿》落廣告，點知就被婉拒，因為今個月27號就會出埋最後一期。另有爆料指，除編採人員外，廣告部同撰稿員都冇得留低，直情形容係大地震。其實八方早前已聽聞，上周同噚日都問過新傳媒集團，但一直冇回覆。《流行新姿》主打時裝同美容，吸引OL讀者群，2003年由新傳媒主理。報紙雜誌相繼停刊，八方希望同業都能步過寒冬。