政改期間，北京官員曾表示日後可以和一些溫和泛民建立溝通，但從未講清楚哪些泛民屬「可溝通」、哪些屬「不可溝通」。有政界人士近日聽聞，北京劃線方法，並非以是否支持平反六四作決定，反而是從是否反港獨、以及是否支持內地維權行動劃線，但有泛民中人表明，若要他們不支持內地維權行動，才能與北京溝通，「我可以話百分之一百冇可能」。
有政界人士對季陶說，內地的確在研判，應與那些溫和泛民建立溝通關係。他原以為北京會用是否支持平反六四劃線，但他收到的消息是，平反六四並非主要考慮，「其一係中共自己內部都有人支持平反六四，其二係呢樣嘢自回歸以嚟，好多香港人都支持，無謂搞」。
「百分百冇可能」
他指北京重視眼前威脅，所以泛民若要與中央溝通，一是必須反港獨，二是不能支持內地維權行動，「有內地港澳官員認為最少要滿足呢兩個要求，北京先可以考慮同呢啲泛民團體溝通」。
但有泛民中人對季陶直言，反對港獨還可以接受，「反正主流泛民係大中華膠，一向反對香港獨立」，但要求他們不支持內地維權行動，「我可以話百分之一百冇可能」，指內地維權行動涉及人權、法治、社會公義，「呢個唔只係政治問題，仲係普世價值，咁都唔支持不如唔好叫民主派」。他又以近日內地大舉搜捕維權律師，數十名香港法律界重量級人物聯署聲援為例，「參加聯署人士，有啲唔算泛民核心人物，有啲重被視為保守法律界人士，佢哋都支持，反映支持內地維權代表支持法治核心價值。要泛民唔撐，咁不如唔溝通！」
季陶
周一至周五刊出