港鐵（066）一口氣向中車（1766）買入93輛新列車，係港鐵有史以來最大車輛定單，國產車揚威國際！不過，咁大喜訊，中車股價昨日竟然彈唔起，A股只升得1.6%，仲跑輸滬綜指2.4%升幅，唔少內地股民勁鬧。有人話，為何啲中車高層至今仲唔見有增持，要向中央、股民做出交代！
中央啟動暴力救市以來，要求A股高層增持股份，至今已有唔少公司發佈增持公告。惟獨身為改革龍頭股的中車，一直未見高層增持。
去年南車、北車合併成為中車前，當時南北車高層，在停牌前偷步買入對家股份，擺明內幕交易，曾令股壇譁然。中車A股股價之後翻咗4倍都唔止，啲高層賺到笑，到而家攞少少錢出來，象徵式增持都唔肯，難怪股價撐極都唔起。
黃尹華