馮仁昭四圍超:咀完Baby師妹 王宗堯:了解中 - 馮仁昭

馮仁昭四圍超:
咀完Baby師妹 王宗堯:了解中 - 馮仁昭

王宗堯入行超過10年,直到上年港視劇《選戰》播出先被封為男神,廣告同電影接唔停,最近連書都出埋。事業得意,愛情都有着落,啱啱佢就俾雜誌影到攬住長髮索女喺街頭啜啜,而個女仔原來叫陳詩雅(Sarah),係熊黛林經理人Kim模特兒公司旗下嘅model。

王宗堯同陳詩雅曾影親密合照,戀情早有迹可尋。互聯網圖片

新車管接送

今年27歲嘅Sarah入行7年,當年挾楊穎(Angelababy)師妹之名入行,雖然工作量唔少,拍過好多電視廣告,但就一直冇代表作,估唔到最近成功俘虜咗男神嘅心。報道話當晚王宗堯揸住落地個幾月、價值50萬嘅新車,由大坑送Sarah到銅鑼灣搵朋友食飯,轉頭再送埋Sarah返將軍澳村屋企,臨走前王宗堯仲一手將Sarah攬入懷,咀咗一陣先好依依不捨咁離開。
噚日馮仁昭搵過王宗堯,佢透過WhatsApp回覆話:「目前沒有太多可以說,所以唔回應住喇!多謝關心!」記者追問佢係咪即係同Sarah發展中?佢就好似有啲怕羞咁話:「認識很久的朋友……了解中!」
撰文:馮仁昭

陳詩雅出道7年工作量唔少,影過唔少性感相。資料圖片