講開港視，佢啟播時，曾經走去撐場嘅商務及經濟發展局局長蘇錦樑，傳聞都係梁振英想炒嘅目標人物，只係搵唔到人替佢先至可以留低。
咁啱被視為「梁粉」嘅劉展灝（Stanley）噚日最後一次用工業總會主席身份跟傳媒見面，佢竟然攞蘇錦樑嚟開玩笑，笑住話工總裏面暫時冇位可以畀蘇錦樑，雖然蘇錦樑初入官場時，有唔少蝦碌事，但𠵱家已熟書又勤力，希望佢喺政府「安安穩穩坐落去」咁話。
講到支唔支持梁振英連任，Stanley今次就只係對事唔對人咁評論，指咁多屆特首，梁振英算係比較關心工業界，叫做肯聽意見，不過，做唔做到嘢就係另一回事，似係有弦外之音喎。