唔少花生友噚日為咗一篇批評特首梁振英連換兩名問責高官嘅評論文章，精神為之一振，但唔係因為入面嘅見解特別精闢，而係篇文嘅發放平台令人想入非非。
八方講緊嘅係由周融搞嘅「HKG報」，噚日登咗一篇題為「局長換人變政治失分」、署名「元亨利」嘅文章，狂插CY處理呢單換人嘅手法好難睇，「甚至可說是一場政治失分的公關災難」，最大嘅敗筆更係「露餡」，因為冇同官員出場，「心水清的人一看都知發生了甚麼事，更何況是玩慣政治遊戲的泛民？這不是在免費送子彈給政治對手又是甚麼？」
花生友原先估計篇文好快落架，點知一直健在，到底係周融作反，抑或想同凡CY皆盲撐嘅「港人講地」有區別？八方都好想知嘞。