崔Big瓜因為甲狀腺失調，由索爆變脹爆，搞到夏天嘅工作統統被迫取消，藝人搞外型搵食，難怪崔Big瓜會喊爆。
甲狀腺失調出現係唔少女藝人身上，搞到唔少女藝人要停工休息，失去唔少攨銀機會，其中要數一定係苟姑娘苟芸慧，因為壓力過大，令到苟姑娘甲狀腺功能減退而爆肥，至今苟姑娘仍然未修身，工作量可以話接近至零。
至於最近期嘅例子就有上緊位嘅朱千雪，亦都因為休息唔夠、加埋壓力，令到朱千雪月經失調，眼凸頸腫，做完手頭上工作要飛去加拿大養病。問到崔Big 瓜入行以來有冇咩唔開心同壓力，佢就話︰「壓力係來自自己比自己，我係一個完美主意者嘅人，可能唔清楚我嘅人，以為我行性感而唔開心。最難聽嘅就係網民認為我只係識得行性感，有啲藝人識做戲、有啲會行catwalk，有啲會行性感，其實我都係做好佢!」
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/