「我冇去做banker，唔讀埋個Master(碩士)，我梗係想喺呢行有更好嘅發展，唔想柴娃娃玩兩年，或者搵個有錢佬嫁咗去…如果唔係我就唔會開公關，幫自己整頭髮，幫自己化妝。」崔碧珈說。
崔Big瓜憑住36G導彈身型，加上從來唔介意行性感，令到崔Big 瓜一出道引來唔少人注視。對工作極度認真嘅崔Big瓜，深明藝人嘅Outlook非常重要，加上打正旗號SELL Body，就因為甲狀腺失調，令到崔Big瓜爆脹，匿埋唔敢見人足足個幾兩個月!崔Big瓜話︰「今個夏天我係m i s s咗啲j o b，例如書展都完咗啦，寫真都冇影到，但公司好體諒我，就算我俾人影到好肥腫嘅樣，公司都話之後k e e p番好就冇問題。」
公司原本打算係呢個夏天力谷崔Big瓜，唔單止幫佢出寫真、健美dvd、甚至泳衣騷同電影。可惜身體唔爭氣，所有計劃全部取消! 難怪崔Big 瓜講到呢度喊爆。不過你的事業線如何，你的事業心也必如何! 崔Big 瓜話怕自己肥腫嘅樣，令佢比人嘅形象幻滅，所以崔Big 瓜唔單止用中藥調理自己，學做戲，仲積極做gym，勢要收回性感失地! Fit爆嘅崔Big 瓜已經準備隨時再度出撃!
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/