要數香港出名嘅理財專家，李兆波（Simon）一定係佼佼者，投資、買樓、慳錢大計都有好多建議畀大家。不過唔好唔記得佢嘅正職其實係學者，近排仲升咗做中大工商管理學院助理院長（Assistant Dean），恭喜晒。
翻查紀錄，Simon近年真係頻頻轉title，由商學院旗下酒店及旅遊管理學院嘅會計及財務高級導師，轉咗department做會計學院高級講師，𠵱家仲多一個商學院助理院長嘅title，升呢好多。
不過，有學術界口痕友就話，Simon其實仲係高級講師，喺慣例上，連系會都未必有機會可以參與，成件事好似有啲奇怪，可能唔同學院有唔同安排，不過升職始終都係開心事。