特首梁振英治下「被辭職」嘅民政事務局局長曾德成，到底真係因為冇搞好青年工作、抑或同CY不和而無得留低？聰明嘅八方讀者，一定心中有數。
雖則CY唔like曾德成咋，但唔少AO（Administrative Officer，政務主任）下屬都好like德成，前日佢last day，局內一片不捨之情，搞咗個小型歡送會，個個都同呢位好波士合照Say goodbye，有官場靚太之稱嘅民政事務局常秘馮程淑儀仲喺facebook貼相兼留言：「『輕輕的我走了，不帶走一片雲彩。』局長，我們仍是捨不得你。」八方聽聞，曾德成唔係一言堂阿頭，都幾開明，肯聽意見。曾德成得唔到CY歡心，卻獲AO同事民心，德成局長，夫復何求？