早前一段少年「玩轉」屯門的影片引起網民瘋傳，sportcam鏡頭下，拍片者不斷跳躍，從圍欄邊跳到輕鐵車站上蓋、然後自商場扶手電梯旁滑下，部分場景更是離地數層樓高跳下，畏高者單看片都可能腳軟。而這一切恍如電影特技的場景，卻只是一個十九歲少年的課餘運動。
少年親自現身說法：「我鍾意去唔同嘅場景跳，有變化，考臨場應變反應先至好玩。就算要挑戰一啲比較高難度嘅動作同拍片，我都只會事先視察而唔會重複跳死某一個位。」九十後的世界，自由自在無拘無束，卻同時自製危機。
熱爆網絡的影片主人翁，正是十九歲的Jack。Jack家住屯門，去年剛中學畢業，現正在職業訓練局IVE就讀體育課程。Jack表示，約在十歲時在網上看到一部外國電影，片中人飛簷走壁，在數十層樓高的大廈天台間跳來跳去、來回穿梭，從此迷上「Parkour」這項運動。
Jack自稱九年前開始「無師自通」練習Parkour：「由基本功練起，攞好重心；喺低位開始練，最好喺公園有軟墊嘅位置練，確保自己唔會失手先至喺高位跳。」玩了九年，Jack約兩年前開始開班授徒，在屯門老鼠洲兒童遊樂場教人玩Parkour，收費四堂四百元。不算貴，卻讓人質疑課程的正確性及認受性，而場地的安全性亦存疑。
Jack玩Parkour時，不曾佩戴任何護膝、頭盔、安全帶，他亦坦承曾經受傷。「最嚴重一次試過腳踝甩骹，睇咗醫生好耐，休息咗幾個月。」自稱現已完全癒合，沒有影響。家人也由一開始的反對，變成支持，「因為見到我嘅堅持。」
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/