仲記得張稀哲喺禾堡坐足半季冷板，都係冇癮返番北京國安，但𠵱家又有國安兵外闖！球會周二宣佈26歲國足翼鋒張呈棟（右），將會外借華歷簡奴一季，成首位登陸西甲嘅中國兵，仲會喺南京會合訪華嘅大軍。張呈棟喺周一悶和上海上港嘅中超帶傷踢足，同球迷告別。但西媒就潑冷水，話交易只因華歷簡奴贊助商中國錢寶拉攏，贊助費更加同上陣時間掛鈎，祝佢好運啦！