【本報訊】10年前，泛民、建制派政黨幾乎一致支持領匯上市，只得大班鄭經翰、長毛梁國雄、大嚿陳偉業出手力阻。10年來，由翻新商場加租，到拆售商場圖利，大班批評領匯賤賣資產的本質不變，認為其發展已走到盡頭，北上搞地產，將是死路一條。
被斥「阻人發達」捱水彈
大班不反對私有化，但極不認同房委會當日賤賣資產。數口奇精的他重提當年房委會有8萬個車位、151個商場，「點都唔會兩萬蚊一個車位啦」，商場平均賣一億一個，「一億，𠵱家買個廁所都買唔到啦！」他擁抱自由經濟，但認為領匯佔全港兩成商場，根本就是壟斷，「就算出售，都可以分拆。又冇公開競投。點解要統一賣畀一個客？」
2004年底，大班力䇛進行司法覆核的盧少蘭，被斥「阻人發達」。平日聲大大的他承受莫大壓力，2005年初，他在銅鑼灣街頭為南亞海嘯籌款，被市民掟水彈洩憤。直至領匯上市後，惡果浮現，個體戶被趕絕、員工飯碗不保，2008年離開立法會前，「啲人隨街見到都話我好嘢」。
領匯去年以7,290萬元，將筲箕灣居屋東熹苑停車場及商場售予炒家林子峰，對方及後將車位拆售套現一億元。大班指這是明顯的賤賣，問題源於管理層的薪酬與業績掛鈎，只要維持盈利，就能多分花紅，於是不惜賤賣資產，「搵小股東笨」。
領匯的資產值、股價勁升，大班卻看淡其前景，因有利可圖的商場幾乎都已完成翻新。北上發展地產，大班反問：「香港邊個發展商喺大陸搵到水？幾時輪到你？」
大班很少購物，有一天來到銅鑼灣希雲街，發現大量特色小店，「保齡球呀、男人衫呀，乜都有得賣」。領匯上市他認為唯一好處是令商場「乾淨咗」，但全部變成連鎖店，「同去太古城、又一城冇分別」。
■記者雷子樂