「不要飲頭啖水，就無事。」某茂利專家言之鑿鑿，政府顧問別再拉勻一世了，頭啖湯要搶，頭啖水就放，鉛頭減廢，浪費的是東江水，真金白銀，自己水自己嘥，唔需要向阿爺道歉的。
「俾個名份阿X。」葉劉大媽大整蠱，講得咁白，擺明是說，狼凸養二奶，包了，還要拜堂過大禮，入門坐正。
狼凸包小三，納稅人付鈔，冇得追究，這樣，至低限度，俾公眾玩吓一對新人！
鬧新房玩乜好？一二三乾杯，鬥飲鉛水！
「有了創科局，年輕人可以買樓，結婚生仔。」立法會某位建制專才，口舌便給。年青人唔信寶藥黨，扮公安黨卻令人半信半疑。創科局急於上馬，是不是公安局撐？創科，首先黑晒市民的電腦，個人私隱一覽無遺。
到時到候，有人上門，問閣下有無興趣買四叔樓，同時通知你，你有潛質生五個，只要五分三是跟強國婦女生就得。
「雨傘運動引晒精神有病的人出來。」七俠五義，唔使應審，只要驗血，賴鉛毒上腦吧。
發神經又點喎，痴根提議不如全香港自殺！叫他示範，撼頭埋廢墩避雨亭！