由森美、錢嘉樂和草蜢三子主持的無綫節目《超強選擇1分鐘》前晚10點半首播，電視觀眾透過登入TVB fun App回答3條問題，但是觀眾選擇回答第一條問題之後，遊戲系統伺服器出現故障，有很多參加者因無法連線到伺服器，感到非常憤怒。本報昨日收到15個投訴指TVB《超強選擇一分鐘》用智能手機撳不到答案。其實在2012年香港小姐決賽抽獎送名車，亦曾經有過類似人流過多造成系統故障的經驗，三年之後竟然再犯錯，難怪觀眾鼓譟，節目更被揶揄為《超強斷線一分鐘》。
死撐唔認有事
該節目每晚問三條問題，全答中又被抽中的10個幸運兒會得到1萬元獎金，吸引觀眾一窩蜂登入，不過，昨日TVB執行董事兼總經理鄭善強接受傳媒訪問時，死撐系統健全，他說：「我哋絕對唔係server冧，因為噚晚我哋問咗三個題目，其實最後一個我哋係成功收到觀眾12萬票，第一個問題收到超過7萬票，第二個收到11萬8。無論幾十萬，或者一百萬，觀眾同時畀票我哋，系統絕對係測試得好好，我哋測試咗成個半月㗎喇，都係冇問題。」
之後，鄭善強再被追問出現了甚麼問題，他說：「當主持人宣佈𠵱家開始玩呢個遊戲時，我哋要即刻將資料輸入電腦度，由嗰樣嘢控制觀眾可唔可以投票，咁做係加強遊戲真實感、現場感畀觀眾，亦都係冇問題，但係原來發覺喺呢個位，嗰個技術有少少問題。我哋絕對相信，喺一分鐘入面收到12萬人投票，係代表晒差唔多所有人玩到，我唔排除有少少人玩唔到。」
此外，該節目錄得平均收視21點，約136萬人次收看，比上星期播放電影《東京攻略》下跌一點。
採訪：非非
