趣趣地：
加盟恒大羅賓奴有望鬥拜仁

有恒大同淘寶兩支大水喉射住，中超班霸FC廣州繼續買星，巴西前鋒羅賓奴正式加盟，周二就同記者見吓面。31歲嘅羅賓奴好坦白咁講，對中國足球認識唔深，加盟FC廣州，純粹係因為同鄉教練史高拉利，將會披上56號球衣嘅羅賓奴，表示自己完成美洲盃後，一直keep住好狀態，可以隨時幫球隊上陣，唔知周四主場對拜仁慕尼黑嘅友賽見唔見到佢落場？

講開拜仁，球隊繼上仗喺北京大勝華倫西亞後，周二去到上海都好醒神，雖然後衞拿姆黑仔啲，踢咗39分鐘就因傷退下火線，不過兵源仲好充裕，踢到80分鐘，仲由中場馬里奧葛斯（上圖右），接應施巴斯坦洛迪直線單刀，扭埋國際米蘭門將卡利素再送入空門，領拜仁小勝1:0，取得訪華連捷。