【不敵霸權】
「𠵱家接電話有時唔小心會講，『喂，愛爾蘭』，啲朋友就會笑我，仲愛爾蘭？冇咗啦！」由領匯管理的大埔大元邨美食廣場，要求租戶重新投標，今年初全部12間商舖9間因廣場裝修兼加租被迫遷，33年歷史的愛爾蘭茶餐廳也不能幸免。半年後憶起往事，老闆娘呂太仍不禁流淚，她不捨老街坊之餘，也慨嘆政府縱容領匯霸權，「估唔到間餐廳最終會咁收場！」
無力付百四萬裝修
愛爾蘭1982年在大元邨的冬菇亭起家，當時租金5,500元，至今年初結業前已加至4萬元。「領匯要我哋打爛晒啲裝修，畀多140萬裝修，翻新後加租加到14.5萬蚊，啲租咁高點頂！」愛爾蘭最終結業。半年時間過去，呂太放不下餐廳。30多年來，她每天早上4點就回店沖茶、煲湯，「4點起身呢嗰習慣仲未改到」。
老街坊同樣懷念愛爾蘭的美食，見到呂太也會吐苦水，「啲街坊成日問你哋幾時開番？好掛住你啲嘢食」。75歲呂太的心願是重開愛爾蘭，「但周圍啲租都咁貴，領匯啲場更加唔使諗」。
■記者譚靜雯