相信不少人試過到澳門欣賞《水舞間》表演，但在水底睇騷，傅明憲（GiGi）絕對娛圈中第一個。原來《水舞間》為慶祝公演5周年，由下個月開始至10月尾會公開給有潛水牌的觀眾潛埋落水底睇騷，每次公演名額只限兩位觀眾，不過收費連兩晚住宿最低要9千多元。
GiGi學潛水的潛水學校是活動搞手，所以日前她有機會率先體驗。Gigi昨日說：「喺水底睇嘅感覺好唔同，好多機關，喺水底有20幾個工作人員。事前《水舞間》會有專人同我哋講解，開騷前先畀我哋潛落水睇吓適唔適應到個環境，OK嘅話先可以喺開騷時落水底睇，有專人帶我哋去幾個唔同位置睇騷。」另外，GiGi繼急救教練牌後，前晚終於考到Dive Master（潛水長）牌照，稍後正式考取潛水教練牌。
採訪：魯吉
