那邊廂傳緊蘋果打算力谷12.9吋iPad Pro，呢邊在先達Sales之間，話題已轉到三叔可能會完全「參考」蘋果的產品的定位，蘋果今年推12.9吋平板，三叔亦打算同步以12吋以上的平板迎戰，而且仲要對應到命名為Tab S Pro，針鋒相對的意味非常濃厚，估計今年iPad Pro VS Tab S Pro這場大戰應相當有睇頭。不過，作為花生友睇還睇，好多Sales都以專家口吻話：「咁大塊板又拎唔到出街，除非功能強到可以代替電腦，批死佢無人吼！」佢哋齊齊睇淡12吋平板喎。
記者：許福合
資料來源：Phonearena