金利豐（1031）老闆娘朱李月華（朱太）平時成日一身珠光寶器，佢身家豐厚就肯定㗎喇，咁佢喺金利豐一年究竟袋幾錢人工呢？
根據金利豐最新年報，朱太舊年全年年薪4,027萬元，加薪18.5%，酌情花紅佔一半。朱生（朱沃裕）就冇朱太咁多人工，朱生舊年只袋1,228萬元，加薪幅度亦只得4%。
原本以為朱生、朱太夾埋袋幾千萬年薪咁少，肯定有大派股息畀自己，點知金利豐雖然舊年盈利增加63%，賺12.6億元，但係竟然冇派息，朱生、朱太冇息落袋。不過又咁講，金利豐近年動作多，先係話計劃分拆業務上市，早前又引入幾位新股東，似係想食大茶飯，朱生、朱太可能暫時想留多啲現金畀公司發展都未定，反正公司都係自己嘅。