Mr.新歌《不屈》是非不絕，有消息指成員Tom因跟王宗堯拍港視劇成好友，Tom搵王宗堯所開的製作公司為新歌拍MV，上周王宗堯還在社交網貼開會相，怎知環球唱片過橋抽板，擔心王宗堯的黃絲身份連累Mr.，所以飛起王宗堯逼他在MV中消失。
昨日本報致電向王宗堯求證是否被飛？他說：「我有幫手嘅，大家傾點拍，係咪關我政治立場事都唔知，𠵱家都冇再拍，如果呢個原因都冇法，大家有自己堅持，冇理由咁易屈服。」Tom則強調跟王宗堯是好朋友，事件與政治冇關：「梗係唔係，覺得用飛起字眼唔係太好，如果交朋友分絲好辛苦，音樂還音樂，政治還政治。其實佢介紹crew畀我哋，攞心出嚟幫朋友，佢有畀拍攝意見，唔知公司決定點製作。」
採訪：皓騫