𡃁模李海清（JoJo）由於樣子似日本女星安室奈美惠，入行前做私影model成為龍友女神，日前她在清水灣接受本報訪問時說：「記得第一次私影好生硬，好似背脊生咗塊板。」問有否遇過鹹濕龍友？她坦言：「遇到好多，inbox問我可唔可以影腳？去酒店影相唔好搵人陪？又試過影相時俾人摸手摸腳，叫我剝衫，好驚。」
JoJo更試過搭港鐵被非禮，她說：「通常都係6點幾，收工時間好逼，感覺到後面有人頂住我，我唔敢出聲，驚鬧大件事好尷尬，蝕底都冇法，惟有嗰段時間改搭的士。」問被非禮都啞忍，豈非助長色魔惡行？她說：「我都驚，𠵱家學打拳保護自己。」
採訪：皓騫