財政司司長曾俊華早前上京獲國家主席習近平主動握手後，日前再獲中共喉舌《新華社》青睞，邀約受訪大談阿爺好重視嘅一帶一路意見，2017年特首跑馬仔行情再被看高一線。
而獲政界封為「習握手」嘅鬍鬚曾，今日起訪問福州、廈門3日，皆因今年1月成立閩港合作會議後，當局希望進一步加強同福建省嘅經貿合作，鬍鬚曾此行亦會同福建省政府、福州及廈門市政府高層官員會面，亦會參觀當地同港資企業，兼到福建自貿區考察，了解當地最新發展和商機。
福建向來都被視為係習近平主席嘅政途發迹地喎，鬍鬚曾明顯好識飲水思源啦。佢周四晚先會返港，離港期間就由財經事務及庫務局局長陳家強署任財爺職務。