內地富豪郭廣昌一直希望將旗下復星國際（656）變成畢菲特式嘅投資公司，近年不停喺海外不同國家進行收購，項目包括劇團、旅遊集團、保險公司等，新近佢連BB車製造商都唔放過，落實投資英國高檔嬰童品牌Silver Cross。
Silver Cross呢個有過百年歷史嘅品牌，受到英國皇室愛戴，英國劍橋公爵夫人凱蒂誕下小公主夏洛特之後，就不時被人影到佢推住Silver Cross嘅BB車。香港喺尖沙嘴都有間Silver Cross專門店，BB車價錢由過千到幾萬蚊不等。
強國人咁崇尚超級名牌，復星投資Silver Cross，再強攻強國人市場，肯定財源滾滾來，話畀人聽BB坐緊英國皇室都用嘅BB車喎，幾巴弊，完全可以滿足強國人嘅心理！
復星冇披露投資金額，市場之前傳過佢用6億元投資，原本股東Halsall家族繼續持有股份。