【領匯１０周年】【本報訊】今年是領匯上市10周年，《蘋果》抽樣統計領匯旗下6個商場發現，連鎖店的比例高達51%至77%。10年前，房署商場的小店比例高達七成，如今相關數字對調，連鎖店在公屋坐大。其中屬旗艦商場的樂富廣場，連鎖店比例更逾七成，UNY、舒適堡、連鎖紅酒雪茄店進駐，令公屋商場「升呢」。759阿信屋在領匯的分店數目亦直逼百佳、惠康。
記者：譚靜雯
房委會於2005年把轄下180個商場和停車場分拆出售，移交領匯管理及營運，10年間領匯不斷翻新商場、街市，引進多個連鎖品牌。《蘋果》統計領匯旗下的樂富廣場、屯門H.A.N.D.S、沙田禾輋廣場、鯉魚門廣場、長沙灣元州商場、青衣長發廣場6個領匯商場，發現連鎖店比例佔整體51%至77%不等。
「想搵間五金舖都難」
旗艦級的樂富廣場越做越豪，全部約170間商舖，連鎖店的比例達74%，除常見的連鎖快餐店，更有珠寶店MaBelle、偉成洋酒雪茄專門店、舒適堡，也有運動家、UNIQLO等知名品牌。
沙田禾輋廣場連鎖店比例較低，全部約101間商舖，連鎖店佔約一半，但仍生存的小商戶就批評遭領匯刁難。房署年代已在禾輋經營逾20年的寶寶文具店，店主廖太直言，領匯續約要求多多，7年前曾要求裝修，「嗰時啱啱簽完約幾個月，佢就話要同我解約，跟住就要我搬上嚟」。文具店由2樓搬上3樓，「同樣嘅租金但細咗一半」，現時租金連雜費每月1.8萬元，「人流少好多，只做熟客生意」。
領匯旗下商場連鎖店化已十分普遍，《蘋果》翻查領匯網頁資料顯示，大型超市包括百佳、惠康在領匯商場內分店數目分別為57及56間，759阿信屋在領匯商場共有51間分店，是近年新進的大戶；專售鞋履的Footspot也有16間，漸取代傳統的屋邨鞋店。
領匯上市後，不時傳出小店結業消息，2007年領匯旗下70間酒樓約1,200名員工曾上街抗議領匯續長約，打爛員工飯碗。
公屋聯會主席王坤稱，房委會未出售商場時，小商戶比例高達七成，「𠵱家你想搵間五金舖、家品店買地拖都好難」。他直斥領匯霸權扼殺小商戶生存空間，「當年上市後希望商場繼續服務居民，𠵱家唔喺名牌都冇得留低」。
學者：年輕人愛光顧
中大市場學系副教授蘇麗文稱，本港商場連鎖化是大趨勢，她分析，現時年輕人愛光顧連鎖店，「以前屋邨商場人情味濃厚，好多都係小商戶，買少少嘢會去士多，但𠵱家好多年輕人幫襯連鎖店，覺得有信心，有咁嘅需求就有咁供應」。領匯發言人回應指，旗下商戶組合中約六成為小商戶，強調連鎖商戶於上市前已一直存在。由於連鎖商戶較為人熟識且印象較深，較易令人感覺其存在。
