新華社呢邊廂發稿時唔報道特首梁振英聲言人大委員長張德江閉門時五度表揚佢，嗰邊廂卻整咗篇獲國家主席習近平金手一握嘅財政司司長曾俊華訪問，唔怕有人小器嬲嬲豬咩？
第一次獻畀官媒
查實新華社呢次有關曾俊華嘅訪問，都係關於CY好緊張嘅一帶一路發展機遇。
鬍鬚曾喺訪問指，如果能夠把握國家提出嘅一帶一路機遇，未來30年甚至50年，香港整個發展都有依歸。
鬍鬚曾仲強調一帶一路可以推動本港四大支柱產業嘅升級，為香港經濟帶來新起點兼且提供更多就業機會畀香港年輕人，思路同阿爺咁一致，怪唔得近期咁得志。
八方仲留意到，新華社報道特別提到鬍鬚曾，「據悉，這是曾俊華首次就『一帶一路』主題接受媒體專訪」。
嘩，鬍鬚曾仲識將第一次獻畀中共官方媒體，中央果然「深慶得人」。