紅爆亞洲的韓國天團BIGBANG前晚在新加坡開騷，太陽娛樂文化老闆周焯華（洗米華）的太太陳慧玲（Heidi）帶埋大女周梓潼，及一班朋友一齊去欣賞演唱會；但未見老公洗米華同行，未知是否仍留在英國陪女友Mandy Lieu，還是未𠱁回老婆，故此沒份去新加坡。
坐VIP席睇騷
事實上，洗米嫂暑期不愁寂寞，早前一家人到英國見證大仔柏豪畢業禮，緊接去西班牙旅遊，返回澳門不久，上周五又帶大女去新加坡看BIGBANG。昨日凌晨洗米嫂在fb大晒「戰利品」，皆因洗米嫂等人享有非凡待遇，除坐在VIP席上睇騷演出，完騷後即入後台影大合照；生完BB女善潼未夠三個月的洗米嫂極速收身，穿上至愛白色衫輕露事業線兼風騷嘟嘴，與BIGBANG成員G-DRAGON （GD）、T.O.P、太陽、勝利和大成逐個「集郵」，恨死不少粉絲！
玩完Selfie當然還未夠，洗米嫂與囡囡梓潼還可以跟BIGBAND同枱食飯，這麼近距離，即有機會拍攝GD邊吃邊玩手機的生活照，難怪洗米嫂的朋友亦留言笑問：「華嫂大戰BIGBANG怪獸！u r win？」洗米嫂回覆指BIGBANG今年10月會去澳門開騷，估計到時她會帶幾位大男孩遊覽大三巴、食葡撻及「賭兩手」暢玩一番。
撰文：嵐山
