魏駿傑與嫩妻張利華月前傳因為前香港單車名將鄧宏業介入而婚姻亮紅燈，但昨日讀者黃小姐透過本報「爆相爆片」報料，指昨日中午時分發現魏駿傑與太太及女兒現身西貢的水井坊茶餐廳買外賣，見二人交談，看來夫婦已和好如初。
記者昨致電魏駿傑，他指昨日與老婆、女兒和友人游水後到茶餐廳開餐，問是否與太太和好如初？他笑說：「和好如初好耐啦，我教緊老婆游自由式，因為佢打算參加三項鐵人賽，同佢練緊水、操緊水，佢不嬲玩兩項咋嘛，𠵱家玩三項。」原來魏駿傑當年是游泳猛將，曾先後加入南華和海天泳隊，他笑謂：「唔係我教邊個教？一係搵方力申啦！」現時與太太感情怎樣？魏駿傑抵死地說：「OK啦，唔係點會教佢游水？浸死佢啦！」
採訪：魯吉