民主黨就要求喺星期三嘅立法會房屋事務委員會，討論係咪引用特權法調查屋邨鉛水風波；八方聽聞政府好緊張當日建制派會唔會缺席投票，令議案獲泛民半數支持下過關。
八方睇過房屋事務委員會名單，發現22名成員中，11個係泛民，換言之兩邊11對11打過和。據聞特首好緊張，雖然民建聯當日晚上先啟程訪京，換言之民記嗰4票應該守得住，但佢哋好擔心其他建制議員無尾飛砣，放晒假唔喺香港，據聞特首辦已要求所有建制派務必出席，以免屆時畀泛民突襲成功就弊傢伙。而若然8月真係要開特別大會，八方相信對官員同建制都係災難，因為佢哋好多人8月都會放暑假，或者要取消休假咯！