《城市論壇》又有人講嘢犯禁？「呢個係Pennsylvania，賓州，加拿……Er，美國嘅賓夕法尼亞州」，呢句由民主黨九龍西立法會議員黃碧雲喺港台《城市論壇》上，解釋世界鉛水標準時直播出街嘅金句，噚日喺網上瘋傳，唔少市民聽到之後會心微笑。有網民話留意到一嚿雲都意識到有啲嘢，即刻補番全名；另有網民意有所指，「又九西、又賓州」，聽到可以點？
而近期高調關注鉛水風波，自稱專業人士、但被一嚿雲踢爆同西九新動力關係密切嘅香港管綫專業學會會長黃敬，席間同一嚿雲火併。被質疑有選舉考慮箒，使唔使咁激動呀？除非篤中死穴啫……