自從Apple Watch推出後，智能手錶市瑒好似一面倒地傾向蘋果一邊，據知國內都有好多不知名的智能手錶推出，不過一直未能打入香港市場，甚至可以話好多代理都唔係太敢入貨。始終手錶係品味嘢，功能要強之餘，還要有賣相先可以入到大家法眼！
網上一直盛傳，SAMSUNG今年會推出新一代智能手錶，就算大家唔睇網上報道，都大概估到佢會每年出一隻。話說網上風傳Note 5會在8月推出，估計同步亮相的還有這一隻代號"Project Orbis"的智能手錶，外國網站暫稱它為Gear A，硬件規格還有詳細資料；機身行Exynos3472 1.2GHz雙核心處理，配以Mali-400 MP4 GPU、768MB RAM及4GB儲存容量，電池為250mAh，機身還內置Wi-Fi、速度計、陀螺儀、氣壓計及心率計等。
不過這些都不是重點，最重要是它使用了一個非常獨特的圓形錶面！錶面外框使用了可轉動式設計，向左或右轉動時，可以作手錶的選項。例如接駁手機影相時，轉動外框可以做到zoom in/out，打字模式下可選擇所打的英文字符，在音量選項時可調校大細聲等，功能十分強勁！不過預計一樣行SAMSUNG自家的Tizen作業系統，所以只有SAMSUNG手機用家先玩到。
資料來源： http://www.sammobile.com/
記者：朱崇德