台灣《蘋果》接獲讀者獨家爆料，本月10日剖腹生女嘅周杰倫太太昆凌現身在台北璽悅金山產後護理之家調理中，估計佢應該係住貴賓房，每晚費用需一萬二千元新台幣。
該月子中心門禁森嚴，進出大門需有專人指引，入住嘅家屬會有特製手帶，車輛出入需要scan條手帶，並且有指定車位，電梯都係需要用手帶scan過先可以去到指定樓層。
餐單方面呢，據了解昆凌喺月子中心一天食六餐。六餐裡面包括三次主餐、三次點心，菜式有牛肉炒時蔬、紅棗魚片、麻油雞等，仲有五穀糙米飯。餐後有白木耳蓮子湯等甜品。咁當然如果周生周太唔滿意個menu，可以自己準備啦。