【本報訊】是藝術還是色情？把子女的相片放上網會否引人犯罪？日本的「幼齒寫真」風氣是否吹到香港？有專業攝影師認為今次「出事」的相集有過火之嫌，父母應有責任，平日拍攝不會要求小模特兒刻意裸露或性感，會避開意識大膽的動作，家長在分享相片時要注意對象是否親朋。
日幼齒寫真風未傳港
擅長拍攝婚禮和家庭照的攝影師Ben Tang指，今次相集中楊童部份姿勢，加上衣着、造型，營造出的感覺「有少少唔係咁好」，「成本相冊好大爭議嘅部份佔嘅比例係好少，可能係疏忽冇察覺」。
Ben稱，作為攝影師未必會以上述角度拍攝，平日拍攝兒童照片前會先與父母溝通，了解對方想表達的感覺，不會加入裸露或意識大膽的動作，盡量按照小朋友的性格特徵來拍攝。
3年前起拍攝兒童相片的Studio 10攝影師Kenny相信今次出事的相集不是賣弄色情，但部份相片「有少少過火」，「媽媽都有責任，因影相係成家人一齊參與，係親子活動，要睇住小朋友做緊乜、影緊乜」。他指若拍攝對象已入學，年紀大些，就不會再拍裸露的相片，會先得家人同意才放上網，「會避忌，明知爹哋媽咪唔鍾意，唔會特登影」。他認為日本的幼齒寫真拍攝風未傳到香港，「仲有段距離，過多10年都唔會有，𠵱家咁已經出咗事，唔會再發展」。
■記者張嘉雯