【香港書展2O15之力撐好友】昨日「美心妹妹」楊鎧凝（Celine）的寫真集疑因被指意識不良突然被抽起，不過今年書展依然好熱鬧，糖妹、王貽興、周秀娜舊愛陳偉成（Avis）、紅線女兒子馬鼎盛、周國豐等齊齊出書，名作家蔡瀾則為好朋友的旅遊書題字，他笑說﹕「我𠵱家係大陸寫一個字收六萬，但今次分文不收。」
任賢齊最近忙在澎湖灣趕拍自導自演的新戲《落跑吧，愛情》，但昨日亦抽空現身書展，大談對澎湖灣印象。小齊對揚威海外的「美魔女」羅霖寫真特別感興趣，自言要捧場買一本，他笑說：「我哋係朋友，佢不嬲都靚。我有幾位外國朋友都娶中國女仔做老婆，因為外國女士好快（老），但華人女仔就keep得好靚，係我哋嘅驕傲。」但身為人父的小齊，對「美心妹妹」的趷籮相不敢恭維，直言擔心對小朋友產生陰影，並說：「嘩，我有啲接受唔到，如果有心人從另一角度睇唔係好事，有啲接受不到。」
糖妹Avis齊報捷
另外，糖妹推出的《台北細細步》和Avis的《G.Y.M.動起來》報捷，分別賣出五千及三千本，已準備加印。Avis更帶拍拖半年的台灣女友錢柏渝即場切蛋糕慶祝，他說：「女友好旺我，如銷量達一萬本就會開泳池派對慶祝。」錢柏渝被問怎樣支持男友？她說：「好多台灣朋友想訂書，之前他節食，我都想很多不同菜單。」而糖妹希望有人贊助自己歐遊，問可會學Cookies前成員區文詩去西班牙巴塞隆拿，介紹當地天體沙灘？糖妹耍手擰頭說：「睇都唔夠膽呀！」
採訪：馬建華、盧妹
攝影：陳慧安