拉勻一生，狀元又點喎，多幾個5**，拉勻了，對一生人影響不大。
三個特首都唔係狀元，拉勻計，三個的政績都肥佬，三個都唔見得人！田少話齋，豬都不如！
拉勻一生，你唔會咁無志氣，一世住死公屋嘛。房署高官就從未住過公屋，出來記招，從來都飲樽裝水。
拉勻啲，你都可以發圍嘛。怎麼發？發過發叔！到時點起自己的別墅都得，水喉包金都得。唔使等啦，儲埋子彈，買A股啦！
拉勻一生，飲過鉛水，唔會即時毒發的。到你八十歲時，今日的鉛份，早就消化晒。
香港人好善忘，明年今日已經唔記得鉛水的味道。
拉勻一生，飲鉛水導致腦殘的機會，政府說了，是個很難明白的概念。這樣，有鉛在先，驗吓立法會、六一八事變中走佬走數唔投票那33位建制議員的血吧！
拉勻一生，食幾多着幾多，由阿爺操盤。所以，惡意沽空那些芬佬，絕對要暴力對待，灌佢飲鉛水！